Woolfolk og Ovis 21
Þegar maður sest niður með prjónana og garn frá Woolfolk finnur maður strax að þetta er eitthvað sérstakt. Það er þessi ótrúlegi mjúkleiki – sá sem minnir helst á kasmír.
Með hverri lykkju ertu að taka þátt í samspili manna og náttúru sem nær langt út fyrir verksmiðjuna.
Saga Woolfolk-ullarinnar hefst ekki í verksmiðju heldur í víðáttum Patagóníu, þar sem vindurinn leikur um sléttuna og kindurnar ganga frjálsar. Þar starfar Ovis 21 – hreyfing sem hefur sett sér markmið um að snúa við þeirri þróun sem hefðbundinn landbúnaður hefur skilið eftir sig. Í stað þess að nýta landið þar til það þverr, vinna bændur innan Ovis 21 að því að endurheimta það – að gera jörðina lifandi aftur.
Þeir beita endurheimtandi landbúnaði, þar sem jarðvegur, gróður og dýr vinna saman í jafnvægi. Með því að fylgjast náið með breytingum á jarðvegi, vatnsbúskap og líffræðilegum fjölbreytileika eftir EOV-stöðlum tryggja þeir að land og dýr dafni.
Markmiðið er ekki aðeins að framleiða ull – heldur að skilja landið eftir í betra ástandi en það var áður.
Ullin sem kemur úr þessum sléttum er einstök. Trefjarnar bera með sér gæði sem aðeins náttúran getur skapað – fínleika, hlýju og mjúkleika sem erfitt er að lýsa en minnir helst á kasmír - prófaðu bara.
Woolfolk hefur tekið skýra afstöðu: að vinna einungis með ull frá Ovis 21.
Þannig tryggja þau bæði há gæði og ábyrgð – virðingu fyrir dýrunum, bóndunum og jörðinni sem allt hefst á. Fyrirtækið gefur 1% af hverri seldri hespu til baka til Ovis 21, til að styðja áframhaldandi endurheimt jarða í Patagóníu.
Þegar þú prjónar úr garninu frá Woolfolk ertu því ekki bara að skapa eitthvað fallegt.
Þú ert hluti af stærri hreyfingu – þeirri sem læknar jörðina, lykkju fyrir lykkju.